wajid-ali-shah-akhtar

Zohra Suhail Shams Khur Badr Baha Tu Kaun Hai

zohra suhail shams khur badr baha tu kaun hai

hosh-ruba sitamgar mah-laqa tu kaun hai

bhuut khabis naznin gul pari bala kahun

dil-lagi achchhi ye nahin mujh se hansa tu kaun hai

raag khayal gaata hai raqs khushi dikhata hai

duur se kyuun rijhata hai paas to aa tu kaun hai

band hain lab javab men ghir gaya main azaab men

aaya jo mere khvab men aisa bura tu kaun hai

ab na payam-e-vasl de hijr ka kaun gham sahe

duur ho duur ho are paas na aa tu kaun hai

aaya hai kis ke jaish se bolta hai jo taish se

maffil-o-bazm-e-aish se duur ho ja tu kaun hai

bol na ‘akhtar’ ab kabhi hat thi ye ek shakhs ki

tarah jo sab se ki buri ye to bata tu kaun hai

More Poems

Leave a Comment