ye kya sitam hai koi rang-o-bu na pahchane
bahar men bhi rahe band tere mai-khane
fana ke zamzame ranj-o-mehan ke afsane
yahi mile hain nai zindagi ko nazrane
tiri nigah ki jumbish men ab bhi shamil hain
miri hayat ke kuchh mukhtasar se afsane
jo sun sako to ye sab dastan tumhari hai
hazar baar jataya magar nahin maane
jo kar gae hain juda ek ek se ham ko
dayar-e-gharb se aae the chand begane