umr saari yunhi guzari hai
din kisi ke hain shab hamari hai
kah rahi hai ye sham-e-tanha.i
aaj ki raat ham pe bhari hai
do-ghaḌi pyaar ki karen baten
dil jalane ko umr saari hai
kuchh parinde faza men uḌte hain
kuchh parindon pe ḳhauf taari hai
jaise sahra men ik shajar tanha
ham ne yuun zindagi guzari hai
apna sheva mohabbaten karna
aage marzi ‘hasan’ tumhari hai
Leave a Reply