tufan se qarya qarya ek hue
phir ret se chehra chehra ek hue
chand ubharte hi ujli kirnon se
uupar ka kamra kamra ek hue
almari men tasviren rakhta huun
ab bachpan aur buḌhapa ek hue
us ki gali ke moḌ se guzre kya the
sab raahi rasta rasta ek hue
divar giri to andar samne tha
darvaza aur daricha ek hue
jab vo paudon ko paani deta tha
pas-manzar aur nazara ek hue
kal ankh-micholi ke khel men ‘aḳhtar’
main aur peḌon ka saaya ek hue