Raushni Thi Tum the Ya KHud Mera Saya Kaun Tha

raushnī thī tum the yā ḳhud merā saayā kaun thā

roz mere ḳhvāb meñ aa kar bikhartā kaun thā

vo to raġhbat ho ga.ī hai nāḳhudā tujh se mujhe

varna terī kashtiyoñ meñ aatā jaatā kaun thā

maan luuñ terī ki maiñ ik sañg-dil huuñ par batā

ban ke aañsū ye mire andar pighaltā kaun thā

shor sā uThā thā mujh meñ ḳhāmushī ke bāvajūd

mere andar ai ḳhudā mere alāva kaun thā

mujh se pahle kis ko merī manzileñ hāsil huiiñ

dekhnā hai mere pīchhe pīchhe chaltā kaun thā

Leave a Comment