maar Dalegi hamen ye ḳhush-bayani aap ki
maut ka paigham aa.ega zabani aap ki
zindagi kahte hain kis ko maut kis ka naam hai
mehrbani aap ki na-mehrbani aap ki
ba.ad-e-murdan khinch laaya jazb-e-dil siine pe haath
ik anguThi men jo pahne tha nishani aap ki
baḌh chuka qad bhi farogh-e-husn ki had ho chuki
ab to qabil dekhne ke hai javani aap ki
aap se mil ke gale rahat se aa jaati hai niind
sabza-e-ḳhvabida hai poshak dhani aap ki
rang aalam ka badalna aap ke sadqe men hai
jam.a kar rakkhi thiin poshaken purani aap ki
ankhon par bandhvai paTTi ta na dekhun aur ko
mar gaya main par vahi hai bad-gumani aap ki
jab vo mujh ko dekhta hai hans ke kahta hai ‘rashid’
kitni paband-e-vafa hai zindagani aap ki
Leave a Reply