Likha Hai Mujhko Bhi Likhna paDa Hai

likhā hai mujh ko bhī likhnā paḌā hai

jahāñ se hāshiya chhoḌā gayā hai

agar mānūs hai tum se parinda

to phir uḌne ko par kyuuñ toltā hai

kahīñ kuchh hai kahīñ kuchh hai kahīñ kuchh

mirā sāmān sab bikhrā huā hai

maiñ jā baiThūñ kisī bargad ke nīche

sukūñ kā bas yahī ek rāsta hai

qayāmat dekhiye merī nazar se

savā neze pe sūraj aa gayā hai

shajar jaane kahāñ jā kar lagegā

jise dariyā bahā kar le gayā hai

abhī to ghar nahīñ chhoḌā hai maiñ ne

ye kis kā naam taḳhtī par likhā hai

bahut rokā hai is ko pattharoñ ne

magar paanī ko rāsta mil gayā hai

Leave a Comment