kiya jo e’tibar un par mariz-e-sham-e-hijran ne
ThanDa.i men dhatura de diya isa-e-dauran ne
phiraya dar-ba-dar un ko jahanbani ke arman ne
nachaya ḳhuub ye bandar junun-e-fitna-saman ne
fujur-o-fisq ki tarikiyon men jab koi bhaTka
dikha.i duur se hi us ko light us ke iman ne
sakun milta hai un ko aur na ham ko chain raton ko
pareshan kar rakha hai aap ke hal-e-pareshan ne
na hai ye kaam vahshat ka na harkat dast-e-vahshat ki
gala ghonTa hai divane ka ḳhud us ke gareban ne
phira kar dar-ba-dar chunva.e tinke raat din un se
banaya bevaquf achchha junun-e-fitna-saman ne
dayar-e-dost men ushshaq bechare jahan baiThe
pakaḌ kar kaan uThaya ḳhak-rub-e-ku-e-janan ne
gulon men rang-o-bu hai aur na ghunchon men tabassum hai
baharen gulsitan ki bech liin ahl-e-gulistan ne
janab-e-naseh-e-mushfiq nasihat jab lage karne
dikha.i chonch hans hans kar unhen chak-e-gareban ne
Leave a Reply