ishq ki bimari hai jin ko dil hi dil men galte hain
murde hain vo haqiqat men zahir men phirte chalte hain
jab raah men mil ga.e kahne lage tere hi ghar men jaata tha
jaao chale laḌka tu nahin main mujh ko apne machalte hain
auron ke lagane-bujhane se itna jalate ho mujh ko
Dariye hamari aahon se ham log bhi jalte-balte hain
sab kahte hain un ke munh men to ab-e-hayat bhara hai sab
ham se jo karte hain baten phir kyuun zahr ugalte hain
kaise hi dard ka sher paḌhen ve yuun bhi na puchhe kya bak ga.e
jin ke dil patthar hain so kab in baton se pighalte hain
bas kariye chup rahiye ab khulvana razon ka ḳhuub nahin
malte hain ham haath paḌe koi aur kuchh aur hi malte hain
mere ashk-e-surḳh se tum yuun ghafil ho afsos afsos
dekho to ye la.al ke TukḌe kaise ḳhaak men rulte hain
shayad aate jaate phir us ḳhana-jang se bigḌi hai
ghar se bahut kam mir-‘raza’-ji ab in rozon nikalte hain
Leave a Reply