har-chand jaisa socha tha vaisa nahin hua
lekin kaha hua ka bhi puura nahin hua
tum ek gard-e-bad the chakra ke rah ga.e
ham se bhi paar zaat ka sahra nahin hua
ḳhushbu kahin to phuul hava le uḌi kahin
yuun muntashir kisi ka qabila nahin hua
sau vasvason ki gard barasti rahi magar
dil aisa aa.ina tha ki maila nahin hua
patthar the ham so daulat-e-ehsas mil ga.i
luT kar bhi kar-e-dil men ḳhasara nahin hua
guzre dinon ka ruup thi is rut ki dhuup bhi
so is baras bhi gham ka mudava nahin hua
logon pe khul chuke the madari ke gur ‘najib’
so koi bhi asir-e-tamasha nahin hua
Leave a Reply