Ba-Zahir Ye Jo Begane Bahut Hain

ba-zahir ye jo begane bahut hain

hamare jane-pahchane bahut hain

khirad-mando mubarak azm-e-aflak

zamin par chand divane bahut hain

shabistanon se tum niklo to dekho

bhare shahron men virane bahut hain

tumhara mai-kada tum ko mubarak

hamen yadon ke paimane bahut hain

gila kya ghair ki beganagi ka

ki jo apne hain begane bahut hain

nizam-e-zist ka mehvar mohabbat

haqiqat ek afsane bahut hain