Tera Sahaara Shah Mujhe Hai

Dua Ali

bipta mori kaun sunega

tera sahara shaah mujhe hai

beri tore pyaar men kamli

haar gai dil vaar gai

bikhar rahi hai tanhai men

mujh ko banhon men bhar le

kar tu mujh ko pyaar piya

jivan tujh par vaar diya

tore bin main huun adhuri huun

tu chhu le to puuri huun

vasl kiya to darna kya

hijr na mujh men bharna piya

pyaar nibhana hoga mujh se rabt badhana hoga mujh se

tu dariya hai main huun pyasi

ban ke rahungi teri daasi

dil men mere aan base ho

nainan men bhi tu hi jache ho

sar se pa ta chumo mujh ko

vaadi vaadi parbat parbat qarya qarya gulshan gulshan

saath men le ke ghumo mujh ko

teri huun main teri rahungi

tujh bin main to ji na sakungi