Shaista Mufti
saans roke hue is shahr se guzri hai hava
kuchh to kahti hai faza raat ke divanon se
khali sadkon pe bahut shor hai sannate ka
giit likkhe hain khamoshi ki madhur tanon se
mere ahbab mujhe kahte hain ai jan-e-aziz
tu yahan tanha andheron se ulajhta kya hai
shahr men saf si bichhi hai bujhe angaron par
tu faqat raakh ke ambar ko takta kya hai
aao ham mil ke manaen shab-e-khamoshi ko
bujh gaya dil to hua kya abhi binai hai
khali nazron se taken tuute hue taron ko
apne khvabon pe pasheman shab-e-tanhai hai
saans roke hue is shahr se guzri hai hava
Leave a Reply