Muneer Niyazi
main huun ek ajiib sapera
naag palna kaam hai mera
piile piile kaale kaale
rang birange dhabbon vaale
shoalon si fankaron vaale
zahrili mahkaron vaale
un ki ankhen tez nashili
gahri jhilon aisi niili
nae lahu se laal zabanen
jaise maut ki rangin tanen
makhmal ke rumalon jaise
surkh gulabi galon jaise
mujh ko takte rahte hain ye
mujh ko daste rahte hain ye
mujh pe hanste rahte hain ye
Leave a Reply