Poet
rahe raqib se baham vo sim-bar mahzuz
hua na aah ka apne kabhi asar mahzuz
daregh chashm-e-karam se na rakh ki ai zalim
kare hai dil ko mire teri yak nazar mahzuz
na baar baar havas ho nabat ki mujh ko
rakhe jo ek hi bosa men lab-e-shakar mahzuz
tamasha ek khudai ka ham dikhate hain
to kijiye banda-navazi hue ho magar mahzuz
yahi dua hai ki ‘chanda’ ka dil ali vali
tere karam se rahe shaam aur sahar mahzuz
Leave a Reply