Poet
raah kar ke us but-e-gumrah ne dhoka diya
gir pade andhe kunen men chaah ne dhoka diya
ho gae maghrur mujh ko ashiq apna jaan kar
haae us dil ka bura ho aah ne dhoka diya
jaan kar us but ka ghar kaabe ko sajda kar liya
ai barahman mujh ko baitullah ne dhoka diya
main ne jaana baal munh par khol kar aae huzur
chhup kar abr-e-tar men qurs-e-mah ne dhoka diya
shekh sahab aap ko but-khane men laaya ‘munir’
pir-o-murshid banda-e-dargah ne dhoka diya
Leave a Reply