Poet
nayan men khuun bhar aaya dil men khar-e-gham chhupa shayad
hua is dam vo tegh-abru kisi se ashna shayad
gale lagta tha har gard-e-hava-avurd se majnun
ki khak-e-kucha-e-laila le aai ho saba shayad
qayamat pa-namak hai ghul divanon ka gulistan men
unhon ke zakhm-e-dil par shor-e-bulbul ja gira shayad
hamare haath ik mu gai naiin aur pech khati hai
vo dam-e-zulf men taaza shikar-e-dil phansa shayad
bahut munh par vo zulfen aaj bikhrata hai ai ‘uzlat’
vo galon par kisi ka zakhm-e-dandan hai laga shayad
Leave a Reply