Allama Iqbal
maktabon men kahin ranai-e-afkar bhi hai
khanqahon men kahin lazzat-e-asrar bhi hai
manzil-e-rah-ravan duur bhi dushvar bhi hai
koi is qafile men qafila-salar bhi hai
badh ke khaibar se hai ye marka-e-din-o-vatan
is zamane men koi haidar-e-karrar bhi hai
ilm ki had se pare banda-e-momin ke liye
lazzat-e-shauq bhi hai nemat-e-didar bhi hai
pir-e-mai-khana ye kahta hai ki aivan-e-farang
sust-buniyad bhi hai aina-divar bhi hai
Leave a Reply