Poet
ladakpan men ye zid hai jaani tumhari
abhi dekhni hai javani tumhari
kaha main ne thahro to bole ye hans kar
kabhi phir sunenge kahani tumhari
nisar un ke jaaen jo sach jaane us ko
fasana hamara zabani tumhari
badi khidmaten kiin ab azad kar do
bahut dekh li mehrbani tumhari
chhupaun na kis tarah se jaan badan men
miri jaan ye hai nishani tumhari
bahut saaf hain galiyan vah-va hai
suni barha khush-bayani tumhari
muqarrar bala aane vaali hai koi
nahin be-sabab mehrbani tumhari
‘nasim’ ab to ghabra gaya dil hamara
sune kaun pahron kahani tumhari
Leave a Reply