Khalwat

Jaun Eliya

mujhe tum apni banhon men jakad lo aur main tum ko

kisi bhi dil-kusha jazbe se yaksar na-shanasana

nashat-e-rang ki sarshari-e-halat se begana

mujhe tum apni banhon men jakad lo aur main tum ko

fusun-kara nigara nau-bahara arzu-ara

bhala lamhon ka meri aur tumhari khvab-parvar

arzu-mandi ki sarshari se kya rishta

hamari bahami yadon ki dildari se kya rishta

mujhe tum apni banhon men jakad lo aur main tum ko

yahan ab tisra koi nahin yaani mohabbat bhi