Poet
kam-tar ya beshtar gae ham
us dar se ba-chashm-e-nam gae ham
ik gul na chuna ham us chaman se
le apna hi musht-e-par gae ham
baize se nikalte hi sar haif
yuun qaid-e-qafas men pad gae ham
bin yaar laga na dil kidhar bhi
jitna ki idhar udhar gae ham
kya duur se muskura ke sarka
kal us ki nazar jo pad gae ham
duniya ka va diin ka ham ko kya hosh
mast aae va be-khabar gae ham
us jan-e-aziz ne na puchha
jiite hain ya ki mar gae ham
kuchh kaam na tha hamen kisi se
lene dil ki khabar gae ham
itni muddat ke baad ‘hasrat’
kal raat jo us ke ghar gae ham
Leave a Reply