Poet
kaha aghyar ka haq men mire manzur mat kiijo
mujhe nazdik se apne kabhu tu duur mat kiijo
hue sang-e-jafa se shisha-e-dil ke kai tukde
bas ab is se ziyada aur chaknachur mat kiijo
mire marham-guzar us shokh-e-be-parva se ye kahiyo
ki zalim zakhm taaza hai use nasur mat kiijo
haqarat apne ashiq ki nahin mashuq ko bhati
‘bayan’ sai apni rusvai men ta maqdur mat kiijo
kaha tha sar-ban ke kaan men laila ne ahista
ki majnun ki kharabi ka kahin mazkur mat kiijo
Leave a Reply