Poet
jahan se dosh-e-azizan pe baar ho ke chale
ye su-e-mulk-e-adam sharmsar ho ke chale
hamare dekhne ko khush abhi se hain aada
zara na dekh sake ashk-bar ho ke chale
pahunch hi jaoge mai-khane men khizar tum bhi
hamare saath jo yaron ke yaar ho ke chale
tumhari rah ka raha ham ko har taraf dhoka
chale jidhar ko so be-ikhtiyar ho ke chale
sana-nigar ye hai kis ke khalq ka ‘arif’
qalam varaq pe na kyuun ashk-bar ho ke chale
Leave a Reply