Poet
husn ki dil men mire jalvagari rahti hai
band is shisha-e-nazuk men pari rahti hai
dil vahan khulta hai jis ja ki rahe jam-e-sharab
daana vaan ugta hai jis ja ki tari rahti hai
tifli-o-ahd-e-javani ka na puchho ahval
be-khudi aage thi ab be-khabari rahti hai
bagh-e-alam men nahin dast-e-karam ko hai zaval
shakh ye vo hai jo ta-hashr hari rahti hai
yaad men jam-o-surahi ke tire ai saaqi
dil bhara rahta hai ankhon men tari rahti hai
mai-o-mashuq se daulat se bahar-e-gul men
chakkhiyan rahti hai hain yaron ki chari rahti hai
har ghadi rahta hai khayal-e-rukh-e-mahbub ka dhyan
aj-kal samne kotah-nazari rahti hai
bhiid si bhiid lagi rahti hai kuche men tire
jins ulfat ki magar vahan pe khari rahti hai
naqd-e-dil lete ho har ek ka be-bos-o-kanar
aap ke dhyan men kya muft-bari rahti hai
haath pakda hai mira dast-e-junun ne jab se
har ghadi madd-e-nazar jama-dari rahti hai
baal khole nahin phirta hai agar vo saffak
phir kaho kyuun mujhe ashufta-sari rahti hai
rind vaan baste hain jis ja ho khum-o-khum-khana
sher vaan rahte hain jis ja ki tari rahti hai
Leave a Reply