Shah Naseer
ham phadak kar todte saari qafas ki tiliyan
par nahin ai ham safiro! apne bas ki tiliyan
bahr-e-aivan aur banva chilman ai parda-nashin
ho gai bad-rang hain agle baras ki tiliyan
khaak men na jins rahte hain na ahl-e-imtiyaz
ai falak banti nahin jarub khas ki tiliyan
ain fasl-e-gul men hi sayyad-e-be-parva ne aah
das ke par katre to kiin ankhon men das ki tiliyan
hirs-e-duniya chahti hai ye ki sim-o-zar ki hon
ye charagh-e-khana-e-ahl-e-havas ki tiliyan
imtiyaz-e-nek-o-bad khud ho na jis ko ai ‘nasir’
us ke nazdik ek hain khashak-o-khas ki tiliyan
Leave a Reply