Shah Naseer
hua ashk-e-gulgun bahar-e-gareban
ba-rangrag-e-gul hai tar-e-gareban
rahe hai sada chaak matam-kada men
tahayyur nahin ikhtiyar-e-gareban
kabhu haath daman tak us ke na pahuncha
che-jae ki qurb-o-javar-e-gareban
tiri dekh ankhen khajil hogi nargis
jhuka chashm ko hai do-char-e-gareban
bane mauj ro astin gar nichodun
ho girdab har ja fishar-e-gareban
saba kab uthate hain juun nikhat-e-gul
subuk-ruh gardan pe bar-e-gareban
supurd ham ne ab naseha kar diya hai
ba-dast-e-junun karobar-e-gareban
jahan men hai khurshid se subh raushan
ki aata hai tikma ba-kar-e-gareban
gale men hai champa kali ya kisu ke
hain lakht-e-jigar ham-kanar-e-gareban
lagai nahin us ne gote ki magzi
hui barq aa kar nisar-e-gareban
nahin tauq pahne hai qumri ki hai ab
ye zeb-e-gulu-band o har-e-gareban
gulistan men ye moatakif hai jo ab hai
sar-e-ghuncha sohbat barar-e-gareban
‘nasir’ ab yahan chashm-e-sozan hai mahram
z-sar-rishta-hae vaqar-e-gareban
Leave a Reply