Nusrat Mehdi
har ik qadam pe jo pursan-e-hal chahiye tha
to phir use bhi hamara khayal chahiye tha
vo rishte-naton ko rasman nibhane aaya tha
hamen dilon ka taalluq bahal chahiye tha
bulandiyon pe tavazun na rah saka qaaem
yahan uruuj ko thoda zaval chahiye tha
ghazal to aap se le leti padh bhi deti magar
mujhe adab men bhi rizq-e-halal chahiye tha
kamal par hai ye ehsas in dinon ‘nusrat’
koi hamen bhi yahan ba-kamal chahiye tha
Leave a Reply