Ahmad Faraz
ghairat-e-ishq salamat thi ana zinda thi
vo bhi din the ki rah-o-rasm-e-vafa zinda thi
qais ko dosh na do rakhiyo na farhad ko naam
inhi logon se mohabbat ki ada zinda thi
shahr-e-bimar ke har kucha o baam o dar par
ham bhi marte the ki jab khalq-e-khuda zinda thi
bujh gaiin shamen to dam tod gae jhonke bhi
jis tarah zahr-e-raqabat se hava zinda thi
yad-e-ayyam ki sahra-e-mohabbat men ‘faraz’
jaras-e-qafila-e-dil ki sada zinda thi
Leave a Reply