Poet
falak ne ranj tir-e-ah se mere ze-bas khencha
labon tak dil se shab naale ko main ne niim ras khencha
mire shokh-e-kharabati ki kaifiyyat na kuchh puchho
bahar-e-husn ko di aab us ne jab charas khencha
raha josh-e-bahar is fasl gar yunhi to bulbul ne
chaman men dast-e-gul-chin se ajab ranj is baras khencha
kaha yuun sahib-e-mahmil ne sun kar soz majnun ka
takalluf kya jo naala be-asar misl-e-jaras khencha
nazakat rishta-e-ulfat ki dekho saans dushman ki
khabardar ‘arzu’ tuk garm kar tar-e-nafas khencha
Leave a Reply