Adil Mansuri
ab na zanjir khadakne ki sada aaegi
zindan mahkega na ab bad-e-saba aaegi
ek ek phuul ke murjhae hue chehre par
rang bikhrenge na khilta hua mausam koi
khaar ke siine men chubhta hua phir gham koi
andhi phir tez hai taron ko bujha de na kahin
raat ghanghor hai suraj ko chhupa de na kahin
aur ab shola-e-jan se bhi na utthega dhuan
tirgi men tiri sanson ka ujala bhi kahan
chashm-e-nargis men lahu-rang hai shabnam shayad
aur sayyad ka daman bhi to hai nam shayad
Leave a Reply