Ishrat Afreen
vo nazm jo main ne tum pe likhi
vo sher jo main ne palkon se
dil-kaghaz par tahrir kiya
vo nazm jo tum ne mujh pe likhi
jo buund barabar rishte se
nam mitti men parvan chadhi
vo nazm hamari banhon men
jab banhen daal ke hansti hai
vo sher tumhare qadmon se
jab qadam mila kar chalta hai
main sochti huun is dharti par
ham donon jaisa shair koi aur nahin
Leave a Reply