Saleem Kausar
ik ghadi vasl ki be-vasl hui hai mujh men
kis ke aane ki khabar qatl hui hai mujh men
saans lene se bhi bharta nahin siine ka khala
jaane kya shai hai jo be-dakhl hui hai mujh men
jal uthe hain sar-e-mizhgan tiri khushbu ke charagh
ab ke khvabon ki ajab fasl hui hai mujh men
mujh se bahar to faqat shor hai tanhai ka
varna ye jang to dar-asl hui hai mujh men
tu ne dekha nahin ik shakhs ke jaane se ‘salim’
is bhare shahr ki jo shakl hui hai mujh men
Leave a Reply