Naseem Syed
jashn-e-nauroz bhi hai
jashn-e-baharan bhi hai
shab-e-mahtab bhi
jashn-e-mah-e-taban bhi hai
sunte hain
aaj hi jashn-e-shah-e-khuban bhi hai
aaiye ai dil-e-barbad
chalen ham bhi vahan
jashn ki raat hai
saughat to batti hogi
apne hisse ki
chalen ham bhi utha len saughat
dard ki
akhiri siine se laga len saughat
aur phir yuun ho
ki jab shaam dhale
os men bhiig ke
gul-mohr ki khushbu phaile
yaad ki chandni
be-khvab darichon pe gire
phir usi jashn ki
ye raat mire kaam aae
dard ki akhiri saughat
mare kaam aae
akhir shab
shab-e-akhir thahre
zid pe aaya hua ye dil thahre
tod duun shisha
jo hasti ka bhi phir jaam aae
kaam aae
to ye saughat mire kaam aae
jashn ki raat hai
yuun nazr gizari jaae
ek ik aarzu sadqe men utari jaae
Leave a Reply