Momin Khan Momin
dil men us shokh ke jo raah na ki
ham ne bhi jaan di par aah na ki
parda-poshi zarur thi ai charkh
kyuun shab-e-bul-havas siyah na ki
tishna-lab aise ham gire mai par
ki kabhi sair-e-id-gah na ki
us ko dushman se kya bachiye vo charkh
jis ne tadbir-e-khasaf-e-mah na ki
kaun aisa ki us se puchhe kyuun
pursish-e-hal dad-khvah na ki
tha bahut shauq-e-vasl tu ne to
kami ai husn ta-ba-gah na ki
ishq men kaam kuchh nahin aata
gar na ki hirs-o-mal-o-jah na ki
tab-e-kam-zarf ko kahan tum ne
dushmani ki adu se chaah na ki
main bhi kuchh khush nahin vafa kar ke
tum ne achchha kiya nibah na ki
mohtasib ye sitam gharibon par
kabhi tambih-e-badshah na ki
girya-o-ah be-asar donon
kis ne kashti miri tabah na ki
tha muqaddar main us se kam milna
kyuun mulaqat gaah gaah na ki
dekh dushman ko uth gaya be-did
mere ahval par nigah na ki
‘momin’ is zehn-e-be-khata par haif
fikr amurzish-e-gunah na ki
Leave a Reply