Siraj Aurangabadi
dil men jab aa ke ishq ne tere mahal kiya
sab dast-o-pa-e-aql kuun yak pal men shal kiya
is zulf-e-pur-shikan siin sanam khol kar girah
ashiq ke dil ke uqda-e-mushkil kuun hal kiya
sair-e-chaman kuun jab ki hua lala-ru savar
raz-o-niyaz-e-bulbul-o-gul men khalal kiya
aqlim-e-dil siin aql ne li tab rah-e-gurez
jab suba-dar-e-ishq ne aa kar amal kiya
majlis men ashiqon ki jab aaya vo shama-ru
mahjub ho ke shama ne surat badal kiya
ai shokh-e-sehr-kar har yak bul-fuzul kuun
tir-e-nigah ne bismil-e-tegh-e-ajal kiya
dekha hai jab siin misra-e-mauzun o qadd-e-yar
us din seti ‘siraj’ ne fikr-e-ghazal kiya
Leave a Reply