Haidar Ali Aatish
dil-lagi apni tire zikr se kis raat na thi
subh tak shaam se ya-hu ke siva baat na thi
iltija tujh se kab ai qibla-e-hajat na thi
teri dargah men kis roz munajat na thi
ab mulaqat hui hai to mulaqat rahe
na mulaqat thi jab tak ki mulaqat na thi
ghuncha-e-gul ko na hansna tha tiri surat se
chhote se munh ki saza-var badi baat na thi
ibtida se tujhe maujud samajhta tha main
mire tere kabhi parde ki mulaqat na thi
ai nasim-e-sahari bahr-e-asiran-e-qafas
tohfa-tar nikhat-e-gul se koi saughat na thi
un dinon ishq rulata tha hamen surat-e-abr
kaun si fasl thi vo jis men ki barsat na thi
kya kahun us ke jo mujh par karam-e-pinhan the
zahiri yaar se har-chand mulaqat na thi
apne bandhe hoe gaati tujhe dekha phadka
dilruba shai thi miri jaan tiri gaat na thi
ik men mil gae ai shah-savar ahl-e-niyaz
naz-e-maashuq tha tu sun ki tire laat na thi
lab ke bose ka hai inkar taajjub ai yaar
phere saail se jo munh ko vo tiri zaat na thi
kamar-e-yar thi az-bas-ki nihayat nazuk
sujhti bandish-e-mazmun ki koi ghaat na thi
un dinon hota tha tu ghar men hamare shab-bash
roz-e-raushan se kam ai mehr-e-liqa raat na thi
be-shuuron ne na samjha to na samjha ‘atish’
nukta-sanjon ko latifa thi tiri baat na thi
Leave a Reply