Insha Allah Khan Insha
dil-e-sitam-zada betabiyon ne luut liya
hamare qible ko vahhabiyon ne luut liya
kahani ek sunai jo hir-ranjha ki
to ahl-e-dard ko punjabiyon ne luut liya
ye mauj-e-lala-e-khud-rav nasim se bole
ki koh-o-dasht ko sairabiyon ne luut liya
saba qabila-e-laila men ud gai ye khabar
ki naaqa najd ke aarabiyon ne luut liya
kisi tarah se nahin niind aati ‘insha’ ko
isi khayal men be-khvabiyon ne luut liya
Leave a Reply