dikhla do Naqsh Pa-E-Rasul-E-Amin Ko

Poet

dikhla do naqsh pa-e-rasul-e-amin ko

ta-mashq sajda ho mire lauh-e-jabin ko

ai ah-e-dil jo jaave to arsh-e-barin ko

kahiyo salam iisa gardun-nashin ko

balbe sharar-e-ashk ki garmi ki ab talak

ik aag lag rahi hai miri astin ko

tha main kamin-e-bosa main bole isi liye

ashraf munh lagate nahin hain kamin ko

jab main hansunga aap se ro dijiyega na

phir tum bahut ho chhedte is kam-tarin ko

kahti ho kya raqib ko bhejun bata salah

laanat hi bhejiyega yazid-e-lain ko

dekhun huun gar alif ko to ai dil hazar baar

karta huun yaad tere qad-e-dil-nashin ko

aave nazar jo laam to aave khayal-e-zulf

jab scene padh ke dekhun huun dandan masin ko

karta huun teri ulfat-e-dandan men siin siin

yaan tak ki pahuncha huun main dam-e-vapsin ko

tabdil-e-bahr se vo ghazal padh ba-ab-o-tab

‘ehsan’ khushi ho jis se dil-e-samain ko