Shahryar
dhuup ke dasht men be-saya shajar men ham the
munhamik phir bhi sarabon ke safar men ham the
muntashir kar chuki andhi to ye maalum hua
ik bagule ki tarah ret ke ghar men ham the
teri avaz ke jaadu ne khabar-dar kiya
na-samajh the ki balaon ke asar men ham the
ta na shaki rahe dariya-e-havas ki koi mauj
badban jism ke khole ki bhanvar men ham the
ye tire qurb ka eajaz hai varna pahle
taaq itne kahan jiine ke hunar men ham the
Leave a Reply