Gulzar
khalaon men tairte jaziron pe champai dhuup
dekh kaise baras rahi hai!
mahin kohra simat raha hai
hatheliyon men abhi talak
tere narm chehre ka lams aise chhalak raha hai
ki jaise subh ko ok men bhar liya ho main ne
bas ek maddham si raushni
mere hathon pairon men bah rahi hai
tire labon pe zaban rakh kar
main nuur ka vo hasin qatra bhi pi gaya huun
jo teri ujli dhuli hui ruuh se phisal kar tire labon par
thahar gaya tha
Leave a Reply