Poet
bala jaane kisi ki hijr men is dil pe kya guzri
kare sayyad kyuun parva kisi bismil pe kya guzri
nisar-e-shama ho jaana to parvane ki fitrat hai
na puchho khaak hone se mire mahfil pe kya guzri
shabistan-e-musarrat men jo mahv-e-aish-o-ishrat hain
unhen is ka pata kya rahrav-e-manzil pe kya guzri
junun-e-qais par hanste to hain aql-o-khirad vaale
kise maalum hai khud laili-e-mahmil pe kya guzri
use ai kaash ye maalum ho jaae kisi surat
ki us ki be-rukhi se ‘qadri’ ke dil pe kya guzri
Leave a Reply