Poet
bad-talai ka ilaaj kya ho
azar bhi ho to la-dava ho
aine ki shakl khud-numai ho
be-did ho surat-ashna ho
husn-e-namkin ko le ke chaten
jab apni hi ziist be-maza ho
ai dard-e-firaq ke marizon
gharra lage is tarah karaho
mahram ke jo band khol de yaar
bangla mire haq men dil-kusha ho
kya hai mujhe dete ho gilauri
chune men kahin na sankhiya ho
dekhe na mizha ki sozan aise
se ve jo kisi ka dil phata ho
qaazi ko jo rind kuchh chata den
masjid ki baghal men mai-kada ho
paaya na mizaj mar mite ham
kya janiye kis ke ashna ho
maghrur ho apne husn par yaar
kya gham koi khush ho ya khafa ho
yaar aae jo mere ghar murad aae
jagen jo nasib rat-jaga ho
saae se tumhare bach ke chaliye
divana banane ko bala ho
mashal na savari men rahe saana
ghoda na kahin charagh-pa ho
vo chaal chalo ki dil ho taskhir
hub ka taaviz naqsh-e-pa ho
chahun jo falak se farsh-e-matam
tuuta bhi na guhar men na boriya ho
phir meri taraf phira vo qatil
tasma na kahin laga raha ho
jo ek kahoge do sunoge
parvah nahin khush ho ya khafa ho
mumtaz hain kushtagan-e-maashuq
hai ain karam agar jafa ho
vo meri jo botiyan udain
jarjis ka martaba ata ho
dam nikle hujum-e-gham men kyuun kar
kuchh bhiid chhate to rasta ho
duniya se uthe mariz-e-furqat
ai dar-e-masih tu asa ho
sabze men chah-e-zaqan hai khas-posh
aisa na ho khizr se dagha ho
ham zakhm-e-jigar nahin dikhate
ankhen na churao khush-nigaho
pesh aao har ik se aina-dar
begana ho ya ki ashna ho
sikho ye tariq-e-adamiyat
jo chaal chalo use nibaho
talvar abru ki vo kharidi
jo muft sar apna bechta ho
chamke jo sitara-e-bulandi
taus-e-falak mujhe huma ho
ai ‘bahr’ nahin hai un talavvun tel
maftun na kisi ke khaal ka ho
Leave a Reply