Poet
asar-e-ah-e-dil-e-zar ki afvahen hain
yaani mujh par karam yaar ki afvahen hain
sharm ai nala-e-dil khana-e-aghyar men bhi
josh-e-afghan-e-aza-bar ki afvahen hain
kab kiya dil pe mire pand-o-nasihat ne asar
naseh-e-behuda-guftar ki afvahen hain
jins-e-dil ke vo kharidar hue the kis din
ye yunhi kucha-o-bazar ki afvahen hain
qais-o-farhad ka munh? mujh se muqabil honge?
mardum-e-vadi-o-kohsar ki afvahen hain
ye bhi kuchh baat hai main aur karun ghair se baat
tum na maano ki ye aghyar ki afvahen hain
kis tavaqqo pe jien ‘shefta’ mayus karam
ghair par bhi sitam yaar ki afvahen hain
Leave a Reply