Poet
ai mehrban hai gar yahi surat nibah ki
baaz aae dil lagane se tauba gunah ki
ulte gile vo karte hain kyuun tum ne chaah ki
kya khuub daad di hai dil-e-dad-khvah ki
qatil ki shakl dekh ke hangam-e-baz-purs
niyat badal gai mire ik ik gavah ki
meri tumhari shakl hi kah degi roz-e-hashr
kuchh kaam guftugu ka na hajat gavah ki
ai shaikh apne apne aqide ka farq hai
hurmat jo dair ki hai vahi khanqah ki
Leave a Reply