Ab Ishq Tamasha Mujhe dikhlae Hai Kuchh Aur

Poet

ab ishq tamasha mujhe dikhlae hai kuchh aur

kahta huun kuchh aur munh se nikal jaae hai kuchh aur

naseh ki himaqat to zara dekhiyo yaaro

samjha huun main kuchh aur mujhe samjhae hai kuchh aur

kya dida-e-khun-bar se nisbat hai ki ye abr

barsae hai kuchh aur vo barsae kuchh aur

rone de, hansa mujh ko na hamdam ki tujhe ab

kuchh aur hi bhata hai mujhe bhaae hai kuchh aur

paigham-bar aaya hai ye ausan ganvae

puchhun huun main kuchh aur mujhe batlae hai kuchh aur

‘jurat’ ki tarah mere havas ab nahin bar ja

kahta huun kuchh aur munh se nikal jaae hai kuchh aur