Poet
aamad tasavvur-e-but-e-bedad-gar ki hai
dil ki bhi luut khana-kharabi jigar ki hai
taqdir ki kaji ho ki tedha ho asman
ye sab inayat aap ki tirchhi nazar ki hai
ik baar tiir maar ke ab tak khabar na li
yarab nigah-e-mast ye kis be-khabar ki hai
ye rang-o-bu kahan gul-e-tar ko nasib tha
utri hui qaba kisi rashk-e-qamar ki hai
phir bhi kabhi nigah-e-karam hogi is taraf
ummid aaj tak usi pahli nazar ki hai
Leave a Reply