Poet
aaj hai dahr men kya ik nai aafat ke siva
bughz-o-nafrat ke siva ranj-o-musibat ke siva
is tarah chhaya hua hai nigah-o-dil pe tilism
jaise har chiiz haqiqat ho haqiqat ke siva
apne har jabr ko vo mehr-o-vafa kahte hain
ham bhi kuchh naam na den us ko mohabbat ke siva
hasti-e-ishq ko ab tak na koi jaan saka
varna hai dahr men kya aur mohabbat ke siva
har-nafas ik nae tufan ki yurish hai ‘hayat’
kis ko ilzam den is daur men qismat ke siva
Leave a Reply