Poet
aina kabhi qabil-e-didar na hove
gar khaak ke saath us ko sarokar na hove
kya khaak kaho us men tajalli ho numayan
khurshid ka jo zarra parastar na hove
gar mehr na ho daagh ke ulfat ki gavahi
manzur mire dard ka tumar na hove
dil khvab ki ghaflat se mabada kahin chaunke
ye fitna-e-khvabida hi bedar na hove
ishq ahl-e-vafa biich use qadr hai kya khaak
vo dil ki jo gard-e-rah-e-dildar na hove
Leave a Reply